यसअघि सोमबार दिउँसो ३ बजे बस्ने भनिएको बैठक ७ बजेसम्मका लागि स्थगित गरिएको थियो ।
संविधानसभाको बैठकमा संविधानको मस्यौदा पेश गर्ने तयारी गरिए पनि असन्तुष्ट मधेस केन्दि्रत दल र राप्रपा नेपालले अवरोध गर्ने चेतावनी दिएपछि सहमतिको प्रयास भैरहेको छ ।
राजनीतिक दलका नेताहरुको छलफल लम्बिएकाले बैठक पनि सारिएको संविधानसभा सचिवालयले जनाएको छ । नयाँ संविधानको मस्यौदा पेस गर्ने र जनताको सुझावका लागि पठाउने संविधानसभाले तयारी गरेको छ ।
नयाँ संविधानको मस्यौदालाई आइतबार फरक मतसहित मस्यौदा समितिले पारित गरेको थियो ।